Kinner, laat vandaag dat Spölen.
Dreiht mi gau de Snippel-Möhlen!
Moder hett de Bohntjes strööpt.
Kiekt , dar liggt de hele Hööpt.
Sünner Hülpe geiht’t neet mehr.
Hinnerk, haal den Flint-Pott heer!
Oh, dat is en drocke Warken.
Laat jo bloot kien Schwackte marken.
Snippeln is en lüstig Spill.
Elk düürt dreihen, wenn he will.
Jung, wat kriggst du in de Sinn ?
Stopp dar neet dien Finger in!
All up eenmal könnt neet dreihen.
Stientje kann dat Solt mit streihen!-
Hannig geiht dat in Akkoord.
Moder find’t dat rechte Worrt.
Un so deiht denn elk sein fliet
In de gröne Bohntje-Tied!
Rieks Janssen-Noort